[44] เหตุยา เตรส, อารมฺมเณ ปญฺจ, อธิปติยา นว, อนนฺตเร ปญฺจ, สมนนฺตเร ปญฺจ, สหชาเต เตรส, อญฺญมญฺเญ สตฺต, นิสฺสเย เตรส , อุปนิสฺสเย ปญฺจ, ปุเรชาเต ตีณิ, อาเสวเน ทฺเว, กมฺเม เตรส, วิปาเก นว, อาหาเร เตรส…เป.… สมฺปยุตฺเต ปญฺจ…เป.… อวิคเต เตรส (สํขิตฺตํ)ฯ

นเหตุ-นอารมฺมณปจฺจยา

[45] วิปากํ นเหตุํ ธมฺมํ ปฏิจฺจ วิปาโก นเหตุ ธมฺโม อุปฺปชฺชติ นเหตุปจฺจยา… นวฯ

วิปากํ นเหตุํ ธมฺมํ ปฏิจฺจ เนววิปากนวิปากธมฺมธมฺโม นเหตุ ธมฺโม อุปฺปชฺชติ นอารมฺมณปจฺจยา (สํขิตฺตํ)ฯ

[46] นเหตุยา นว, นอารมฺมเณ ปญฺจ, นอธิปติยา เตรส, นอนนฺตเร ปญฺจ, นสมนนฺตเร ปญฺจ, นอญฺญมญฺเญ ปญฺจ, นอุปนิสฺสเย ปญฺจ, นปุเรชาเต ทฺวาทส, นปจฺฉาชาเต เตรส, นอาเสวเน เตรส, นกมฺเม ทฺเว, นวิปาเก ปญฺจ, นวิปฺปยุตฺเต ตีณิ…เป.… โนวิคเต ปญฺจ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํฯ)

7. ปญฺหาวาโร

ปจฺจยจตุกฺกํ

[47] วิปาโก นเหตุ ธมฺโม วิปากสฺส นเหตุสฺส ธมฺมสฺส อารมฺมณปจฺจเยน ปจฺจโยฯ วิปาโก นเหตุ ธมฺโม วิปากธมฺมธมฺมสฺส นเหตุสฺส ธมฺมสฺส อารมฺมณปจฺจเยน ปจฺจโยฯ วิปาโก นเหตุ ธมฺโม เนววิปากนวิปากธมฺมธมฺมสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (3)

วิปากธมฺมธมฺโม นเหตุ ธมฺโม วิปากธมฺมธมฺมสฺส นเหตุสฺส ธมฺมสฺส อารมฺมณปจฺจเยน ปจฺจโย… ตีณิฯ

เนววิปากนวิปากธมฺมธมฺโม นเหตุ ธมฺโม เนววิปากนวิปากธมฺมธมฺมสฺส นเหตุสฺส ธมฺมสฺส อารมฺมณปจฺจเยน ปจฺจโย… ตีณิฯ

[48] วิปาโก นเหตุ ธมฺโม วิปากสฺส นเหตุสฺส ธมฺมสฺส อธิปติปจฺจเยน ปจฺจโย… จตฺตาริฯ

วิปากธมฺมธมฺโม นเหตุ ธมฺโม วิปากธมฺมธมฺมสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิฯ

เนววิปากนวิปากธมฺมธมฺโม นเหตุ ธมฺโม เนววิปากนวิปากธมฺมธมฺมสฺส นเหตุสฺส ธมฺมสฺส อธิปติปจฺจเยน ปจฺจโยฯ เนววิปากนวิปากธมฺมธมฺโม นเหตุ ธมฺโม วิปากสฺส นเหตุสฺส ธมฺมสฺส อธิปติปจฺจเยน ปจฺจโยฯ เนววิปากนวิปากธมฺมธมฺโม นเหตุ ธมฺโม วิปากธมฺมธมฺมสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิฯ

[49] วิปาโก นเหตุ ธมฺโม วิปากสฺส นเหตุสฺส ธมฺมสฺส อนนฺตรปจฺจเยน ปจฺจโย… ทฺเวฯ

วิปากธมฺมธมฺโม นเหตุ ธมฺโม วิปากธมฺมธมฺมสฺส นเหตุสฺส ธมฺมสฺส อนนฺตรปจฺจเยน ปจฺจโย… ทฺเวฯ

เนววิปากนวิปากธมฺมธมฺโม นเหตุ ธมฺโม เนววิปากนวิปากธมฺมธมฺมสฺส นเหตุสฺส ธมฺมสฺส อนนฺตรปจฺจเยน ปจฺจโย… ตีณิ (สํขิตฺตํ)ฯ

[50] อารมฺมเณ นว, อธิปติยา ทส, อนนฺตเร สตฺต, สมนนฺตเร สตฺต, สหชาเต เอกาทส, อญฺญมญฺเญ สตฺต, นิสฺสเย เตรส, อุปนิสฺสเย นว, อาเสวเน ทฺเว, กมฺเม นว, วิปาเก ตีณิ, อาหาเร สตฺต, อินฺทฺริเย นว, ฌาเน สตฺต, มคฺเค สตฺต, สมฺปยุตฺเต ตีณิ, วิปฺปยุตฺเต ปญฺจ, อตฺถิยา เตรส…เป.… อวิคเต เตรส (สํขิตฺตํ)ฯ

นเหตุยา โสฬส, นอารมฺมเณ โสฬส (สํขิตฺตํ)ฯ

เหตุปจฺจยา นอารมฺมเณ นว (สํขิตฺตํ)ฯ

นเหตุปจฺจยา อารมฺมเณ นว (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

4-1. อุปาทินฺนตฺติก-เหตุทุกํ

1-6. ปฏิจฺจวาราทิ

ปจฺจยจตุกฺกํ

[51] อุปาทินฺนุปาทานิยํ เหตุํ ธมฺมํ ปฏิจฺจ อุปาทินฺนุปาทานิโย เหตุ ธมฺโม อุปฺปชฺชติ เหตุปจฺจยาฯ (1)

อนุปาทินฺนุปาทานิยํ เหตุํ ธมฺมํ ปฏิจฺจ อนุปาทินฺนุปาทานิโย เหตุ ธมฺโม อุปฺปชฺชติ เหตุปจฺจยาฯ (1)

อนุปาทินฺนอนุปาทานิยํ เหตุํ ธมฺมํ ปฏิจฺจ อนุปาทินฺนอนุปาทานิโย เหตุ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[52] เหตุยา ตีณิ, อารมฺมเณ ตีณิ, อธิปติยา ทฺเว…เป.… วิปาเก ทฺเว (สํขิตฺตํ)ฯ

นอธิปติยา ตีณิ, นปุเรชาเต ตีณิ…เป.… นอาเสวเน ตีณิ, นวิปาเก ทฺเว, นวิปฺปยุตฺเต ตีณิ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ วิตฺถาเรตพฺพํ)ฯ

7. ปญฺหาวาโร

ปจฺจยจตุกฺกํ

[53] อุปาทินฺนุปาทานิโย เหตุ ธมฺโม อุปาทินฺนุปาทานิยสฺส เหตุสฺส ธมฺมสฺส เหตุปจฺจเยน ปจฺจโยฯ (1)

อนุปาทินฺนุปาทานิโย เหตุ ธมฺโม อนุปาทินฺนุปาทานิยสฺส เหตุสฺส ธมฺมสฺส เหตุปจฺจเยน ปจฺจโยฯ (1)

อนุปาทินฺนอนุปาทานิโย เหตุ ธมฺโม อนุปาทินฺนอนุปาทานิยสฺส เหตุสฺส ธมฺมสฺส เหตุปจฺจเยน ปจฺจโยฯ (1)

[54] อุปาทินฺนุปาทานิโย เหตุ ธมฺโม อุปาทินฺนุปาทานิยสฺส เหตุสฺส ธมฺมสฺส อารมฺมณปจฺจเยน ปจฺจโยฯ อุปาทินฺนุปาทานิโย เหตุ ธมฺโม อนุปาทินฺนุปาทานิยสฺส เหตุสฺส ธมฺมสฺส อารมฺมณปจฺจเยน ปจฺจโยฯ (2)

อนุปาทินฺนุปาทานิโย เหตุ ธมฺโม อนุปาทินฺนุปาทานิยสฺส เหตุสฺส ธมฺมสฺส อารมฺมณปจฺจเยน ปจฺจโยฯ อนุปาทินฺนุปาทานิโย เหตุ ธมฺโม อุปาทินฺนุปาทานิยสฺส เหตุสฺส ธมฺมสฺส อารมฺมณปจฺจเยน ปจฺจโยฯ (2)

อนุปาทินฺนอนุปาทานิโย เหตุ ธมฺโม อนุปาทินฺนุปาทานิยสฺส เหตุสฺส ธมฺมสฺส อารมฺมณปจฺจเยน ปจฺจโยฯ (1)

[55] อุปาทินฺนุปาทานิโย เหตุ ธมฺโม อนุปาทินฺนุปาทานิยสฺส เหตุสฺส ธมฺมสฺส อธิปติปจฺจเยน ปจฺจโยฯ (1)

อนุปาทินฺนุปาทานิโย เหตุ ธมฺโม อนุปาทินฺนุปาทานิยสฺส เหตุสฺส ธมฺมสฺส อธิปติปจฺจเยน ปจฺจโยฯ (1)

อนุปาทินฺนอนุปาทานิโย เหตุ ธมฺโม อนุปาทินฺนอนุปาทานิยสฺส เหตุสฺส ธมฺมสฺส อธิปติปจฺจเยน ปจฺจโยฯ

อนุปาทินฺนอนุปาทานิโย เหตุ ธมฺโม อนุปาทินฺนุปาทานิยสฺส เหตุสฺส ธมฺมสฺส อธิปติปจฺจเยน ปจฺจโยฯ (1)

อนนฺตร-อุปนิสฺสยปจฺจยา

[56] อุปาทินฺนุปาทานิโย เหตุ ธมฺโม อุปาทินฺนุปาทานิยสฺส เหตุสฺส ธมฺมสฺส อนนฺตรปจฺจเยน ปจฺจโยฯ (1)

อนุปาทินฺนุปาทานิโย เหตุ ธมฺโม อนุปาทินฺนุปาทานิยสฺส เหตุสฺส ธมฺมสฺส อนนฺตรปจฺจเยน ปจฺจโย… ตีณิฯ

อนุปาทินฺนอนุปาทานิโย เหตุ ธมฺโม อนุปาทินฺนอนุปาทานิยสฺส เหตุสฺส ธมฺมสฺส อนนฺตรปจฺจเยน ปจฺจโยฯ อนุปาทินฺนอนุปาทานิโย เหตุ ธมฺโม อุปาทินฺนุปาทานิยสฺส เหตุสฺส ธมฺมสฺส อนนฺตรปจฺจเยน ปจฺจโย…เป.…ฯ (2)

[57] อุปาทินฺนุปาทานิโย เหตุ ธมฺโม อุปาทินฺนุปาทานิยสฺส เหตุสฺส ธมฺมสฺส อุปนิสฺสยปจฺจเยน ปจฺจโยฯ อุปาทินฺนุปาทานิโย เหตุ ธมฺโม อนุปาทินฺนุปาทานิยสฺส เหตุสฺส ธมฺมสฺส อุปนิสฺสยปจฺจเยน ปจฺจโยฯ อุปาทินฺนุปาทานิโย เหตุ ธมฺโม อนุปาทินฺนอนุปาทานิยสฺส เหตุสฺส ธมฺมสฺส อุปนิสฺสยปจฺจเยน ปจฺจโยฯ (3)

อนุปาทินฺนุปาทานิโย เหตุ ธมฺโม อนุปาทินฺนุปาทานิยสฺส เหตุสฺส ธมฺมสฺส อุปนิสฺสยปจฺจเยน ปจฺจโย… ตีณิฯ

อนุปาทินฺนอนุปาทานิโย เหตุ ธมฺโม อนุปาทินฺนอนุปาทานิยสฺส เหตุสฺส ธมฺมสฺส อุปนิสฺสยปจฺจเยน ปจฺจโย… ตีณิ (สํขิตฺตํ)ฯ

[58] เหตุยา ตีณิ, อารมฺมเณ ปญฺจ, อธิปติยา จตฺตาริ, อนนฺตเร ฉ, สมนนฺตเร ฉ, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย นว, อาเสวเน ทฺเว, วิปาเก ทฺเว…เป.… อวิคเต ตีณิ (สํขิตฺตํ)ฯ

นเหตุยา นว, นอารมฺมเณ นว (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ ปญฺจ (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

นเหตุปทปจฺจยจตุกฺกํ

[59] อุปาทินฺนุปาทานิยํ นเหตุํ ธมฺมํ ปฏิจฺจ อุปาทินฺนุปาทานิโย นเหตุ ธมฺโม อุปฺปชฺชติ เหตุปจฺจยาฯ อุปาทินฺนุปาทานิยํ นเหตุํ ธมฺมํ ปฏิจฺจ อนุปาทินฺนุปาทานิโย นเหตุ ธมฺโม อุปฺปชฺชติ เหตุปจฺจยาฯ อุปาทินฺนุปาทานิยํ นเหตุํ ธมฺมํ ปฏิจฺจ อุปาทินฺนุปาทานิโย นเหตุ จ อนุปาทินฺนุปาทานิโย นเหตุ จ ธมฺมา อุปฺปชฺชนฺติ เหตุปจฺจยาฯ (3)

อนุปาทินฺนุปาทานิยํ นเหตุํ ธมฺมํ ปฏิจฺจ อนุปาทินฺนุปาทานิโย นเหตุ ธมฺโม อุปฺปชฺชติ เหตุปจฺจยาฯ (1)

อนุปาทินฺนอนุปาทานิยํ นเหตุํ ธมฺมํ ปฏิจฺจ อนุปาทินฺนอนุปาทานิโย นเหตุ ธมฺโม อุปฺปชฺชติ เหตุปจฺจยาฯ อนุปาทินฺนอนุปาทานิยํ นเหตุํ ธมฺมํ ปฏิจฺจ อนุปาทินฺนุปาทานิโย นเหตุ ธมฺโม อุปฺปชฺชติ เหตุปจฺจยาฯ อนุปาทินฺนอนุปาทานิยํ นเหตุํ ธมฺมํ ปฏิจฺจ อนุปาทินฺนุปาทานิโย นเหตุ จ อนุปาทินฺนอนุปาทานิโย นเหตุ จ ธมฺมา อุปฺปชฺชนฺติ เหตุปจฺจยาฯ (3)

อุปาทินฺนุปาทานิยํ นเหตุญฺจ อนุปาทินฺนุปาทานิยํ นเหตุญฺจ ธมฺมํ ปฏิจฺจ อนุปาทินฺนุปาทานิโย นเหตุ ธมฺโม อุปฺปชฺชติ เหตุปจฺจยาฯ (1)

อนุปาทินฺนุปาทานิยํ นเหตุญฺจ อนุปาทินฺนอนุปาทานิยํ นเหตุญฺจ ธมฺมํ ปฏิจฺจ อนุปาทินฺนุปาทานิโย นเหตุ ธมฺโม อุปฺปชฺชติ เหตุปจฺจยาฯ (1)

[60] อุปาทินฺนุปาทานิยํ นเหตุํ ธมฺมํ ปฏิจฺจ อุปาทินฺนุปาทานิโย นเหตุ ธมฺโม อุปฺปชฺชติ อารมฺมณปจฺจยาฯ (1)

อนุปาทินฺนุปาทานิยํ นเหตุํ ธมฺมํ ปฏิจฺจ อนุปาทินฺนุปาทานิโย นเหตุ ธมฺโม อุปฺปชฺชติ อารมฺมณปจฺจยาฯ (1)

อนุปาทินฺนอนุปาทานิยํ นเหตุํ ธมฺมํ ปฏิจฺจ อนุปาทินฺนอนุปาทานิโย นเหตุ ธมฺโม อุปฺปชฺชติ อารมฺมณปจฺจยาฯ (1) (สํขิตฺตํฯ)

[61] เหตุยา นว, อารมฺมเณ ตีณิ, อธิปติยา ปญฺจ, อนนฺตเร ตีณิ, สมนนฺตเร ตีณิ, สหชาเต นว, อญฺญมญฺเญ ตีณิ, นิสฺสเย นว, อุปนิสฺสเย ตีณิ, ปุเรชาเต ตีณิ, อาเสวเน ทฺเว, กมฺเม นว, วิปาเก นว…เป.… อวิคเต นว (สํขิตฺตํ)ฯ

ปจฺจนียํ – นเหตุปจฺจโย

[62] อุปาทินฺนุปาทานิยํ นเหตุํ ธมฺมํ ปฏิจฺจ อุปาทินฺนุปาทานิโย นเหตุ ธมฺโม อุปฺปชฺชติ นเหตุปจฺจยา… ตีณิฯ

อนุปาทินฺนุปาทานิยํ นเหตุํ ธมฺมํ ปฏิจฺจ อนุปาทินฺนุปาทานิโย นเหตุ ธมฺโม อุปฺปชฺชติ นเหตุปจฺจยาฯ (1)

อุปาทินฺนุปาทานิยํ นเหตุญฺจ อนุปาทินฺนุปาทานิยํ นเหตุญฺจ ธมฺมํ ปฏิจฺจ อนุปาทินฺนุปาทานิโย นเหตุ ธมฺโม อุปฺปชฺชติ นเหตุปจฺจยาฯ (1) (สํขิตฺตํฯ)

[63] นเหตุยา ปญฺจ, นอารมฺมเณ ฉ (สํขิตฺตํ)ฯ

เหตุปจฺจยา นอารมฺมเณ ฉ (สํขิตฺตํ)ฯ

นเหตุปจฺจยา อารมฺมเณ ทฺเว (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

5-1. สํกิลิฏฺฐตฺติก-เหตุทุกํ

1-6. ปฏิจฺจวาราทิ

ปจฺจยจตุกฺกํ

[64] สํกิลิฏฺฐสํกิเลสิกํ เหตุํ ธมฺมํ ปฏิจฺจ สํกิลิฏฺฐสํกิเลสิโก เหตุ ธมฺโม อุปฺปชฺชติ เหตุปจฺจยาฯ (1)

อสํกิลิฏฺฐสํกิเลสิกํ เหตุํ ธมฺมํ ปฏิจฺจ อสํกิลิฏฺฐสํกิเลสิโก เหตุ ธมฺโม อุปฺปชฺชติ เหตุปจฺจยาฯ (1)

อสํกิลิฏฺฐอสํกิเลสิกํ เหตุํ ธมฺมํ ปฏิจฺจ อสํกิลิฏฺฐอสํกิเลสิโก เหตุ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[65] เหตุยา ตีณิ, อารมฺมเณ ตีณิ…เป.… อวิคเต ตีณิ (สํขิตฺตํ)ฯ